السنة دي

السنة دي أول سنة                                                        رمضان يهل هلاله وأنت مش معانا

بس أنا برضه قلت                                                     أعيد عليك وأقول لك كل سنة وحصرنك

طيب بس المرة دي                                               مش وأنت في الدنيا المرة دي وأنت في الجنة

قاعد بتشرب من كأس                                         مزاجها كافورا أنت وأصحابك اللي تعرفت عليهم

جديد ياريت تسلم لي                                       عليهم وعلى نفسك كمان كثير أوي لحد ما أجي لك

أنا بعد عمر طويل                                       لحد باب بيتك في الجنة وأخبط  تفتح لي وتقول أهــّـلآ

وسـَهلا بيكي يا غالية                               بس أنا كنت عايزة منك طلب صغير ممكن تطلب من ربنا

إن بيتي يبقى جنب بيتك                     علشان نفضل رايحين وجاين على بعض وحبل الود ما يتقطعش

بنا أبدا يارب تكون مبسوط                 هناك وبتدعي لنا يارب علشان نكون كلنا كويسين وفي أحسن حال

أما عن أخبار بنت أخيك                 فخليك مطمئن عليها هي اشتغلت الحمد لله ومبسوطة في شغلها يعنى

اطمئن أول أمنية كنت                  بتتمنها لها تحققت أما عن كتاباتها وعن المدونة بتاعتها فإبتدت تنتشر

انتشار مش بطال هي                 راضية بِيه قل لي أنت بقى فاكر أول حاجة قرأتها من كتاباتها وبالمناسبة

هي اللي بعثها لك بيدها               على حسابك الخاص بك على الواتس أب وعجبتك جدا وكتبت لها عليها

تعليق الجميل لا يكتب إلا             جميلا  هي لسه فاكرة التعليق لحد النهاردة ومش هتنسى عمرها ربنا يقدرها                

 وهي كانت قصيدة باسم خلصت  ذي الحجة           فاكر بديتها ولا تحب هي تفكرك‎ مش كانت بديتها بتقول

 خلصت ذي الحجة وخلص معها وقوف الحجاج على عرفات  وهما بيلبّوا يقولوا لبيك اللهم لك لبيك إن الحمد

والنعمة لك والملك لا شريك لك لبيك وبعد ما تخلص التلبية   يدعوا يقولوا يا رب أصلح حال فولان وبدل حاله

 إلي أحسن حال ومنهم اللي بيدعي يقول ربنا آتنا في     الدنيا حسنة وفي الآخرة حسنة وقنا عذاب النار

بس دلوقتي متملكش  حاجة غير انها تقول إِنَّا لِلّهِ        وَإِنَّـا إِلَيْهِ رَاجِعونَ علشان روح الإنسان هي أمانة

في الدنيا هي عارفة الكلام ده كويس علشان            كده تحب تأكد تاني وتقول إِنَّا لِلّهِ وَإِنَّـا إِلَيْهِ رَاجِعونَ     

إهداء إلي ..روح المرحوم الدكتور أشرف علام