مستر إبرام

طبعا أنتم ما تعرفوش مين مستر                                       إبرام أنا بقى هقول لكم مين مستر إبرام

مستر إبرام يا حضرات كان                                          مدرس العربي بتاعي اللي اتعلمت على

ايديه حاجات كثيرة أوي عمري                                        ما كنت هعرفها لولاه ومن ضمنها كتاباتي

للقرآن الكريم بخط جميل ومنمق                                     وأنتم جاين تقولوا قال إيه احنا بنعمل كده

علشان نقضي على الفتنة الطائفية                                اللي مثارة في البلد فتنة طائفية إيه يا جاهلة    

ما هو أنتم اللي عملتوها يا جاهلة                            بسبب جهلكم ومعرفتكم القليلة عن الدين الإسلامي   

أنتم وأخذين الدين بس على إنه                            مجرد قناع تلبسوا وقت اللزوم وتخلعوا وقت ما تكونوا

عايزين تقتلوا ناس أبرياء ملهمش ذنب                      غير إنهم بيؤمنوا بملة تانية غير ملتكم يا أخي ده حتى

القرآن بيقول لَكُمْ دِينُكُمْ وَلِيَ دِينِ                      قصده يقول لك ما تدخلش في دين حد وإن دي حرية شخصية   

بتقول إيه عايز دليل كمان حاضر                 خذ وما تتحمقش أوي كده لَا إِكْرَاهَ فِي الدِّينِ قَدْ تَبَيَّنَ الرُّشْدُ

مِنَ الْغَيِّ  الآية دي  بقى قصدها تقول لك          إن نوع الدين مش اجبار هو عايز يبقى مسلم هو حر

وبرضه هو عايز يبقى مسيحي هو برضه           إنسان له مطلق الحرية لأن ربنا هو اللي هيحاسبه     

يوم الحساب مش أنت خالص على فكرة          لو فاكر إنك أنت اللي هتحاسبه يبقى أنت ما سمعتش

حكمة إن الدين لله والوطن للجميع بس            هتسمعها فين وأنت ماشي طول النهار في الشوارع

تذبح في خلق الله أنت حتى لو سمعتها     هتفضل ماشي تذبح في خلق الله علشان أنت ما عندكش قلب

إهداء إلي.. روح كل شهيد عند إخواتنا المسيحين

ونتشرف بتقديم خالص التعازي لهم