المدرسة

                                                                                             

المدرسة هي إيه قولوا لو شطرين                                       هي مش مجرد مدرس ومدرسة

هي أكبر من كده بكثير هي اللي فيها                               كبرنا على قيم ومبادئ لا يمكن تتعوض

بس مدارس زمان مش مدارس دلوقتى                              آه بدل ما نتفهم غلط مش ناقصين والنبي

مدارس زمان كان فيها العلم يعنى العلم                      مش مدارس دلوقتى اللي فهم فهم واللي ما فهمش

في الدرس بقى بالليل يا أولاد حد عايز حاجة تانى        يا الله سلام عليكم أشوفكم الحصة اللي جاية على خير

 ما تنسوش الواجب ها عرفين اللي حينسى  حعمل في إيه     حعلقه من رجليه وحدي له بالعصا ومش حرحمه

مدارس ‎مفيهاش ظبط وربط ما تقولوش زيطة  طبعا ما هي ما لهاش كبير يقول ده صح وده غلط مشية بالبركة 

الله على مدرسين زمان كان عندهم ضمير والله العظيم    لكن تعالى شوف مدرسين دلوقتى صباح الخير وباي  

      

باي الدرس خلص على كده ها إيه رأيكم في التعيلم بتاع دلوقتى    نجى بقى للامتحانات وخصوصا امتحانات

ثانوية عامة  لجنة سيبة على الآخر علشان الطلاب يغشوا براحتهم      ما هم الطلاب مشين بمبدأ ذاكر تنجح

غش تجيب مجموع عليه العوض ومنه العوض في التعليم      خلاص باظ نجيب منين دلوقتى تعليم فيه مبادئ

تعرفوا مكان نجيب منه تعليم فيه مبادئ زمان  مبادئ رسولنا الكريم من غشنا فليس منا علشان يرجع التعليم بجد

ولما مدرس أو مدرسة يقولوا لطالب إنت كنت بتغش      يقول لها لا والله العظيم يا ابلة ما غشتش ترد الأبلة

وتقول له لا إنت كنت بتغش أنا شايفك بعيني الجوز   طلبة بجحة مش يحطوا في عينهم حصوت ملح لا إزاي ودي تيجي