Noray Dreams

  هي الناس مفيش في قلوبها رحمة ليه                                    هي الرحمة اختفت من القلوب ولا إيه ولو هي اختفت ياريت حتى تقولوا لنا هي اختفت فين              وياريت بالمرة كمان تقولوا لنا نركب لها إيه  عجلة ولا أتوبيس ولا إيه بالضبط ما تدلونا وخليكم حلوين    خلينا نروح نجبها ونرجعها بين الناس زى زمان  

  بتعير الناس ليه يا أفندي            هو إنت متعرفش إن المعيرة حرام يا أفندي     هو مش ممكن يكون اللي إنت بتعيره أحسن منك يا أفندي      بس   يلا  أهو العلام مش ببلاش يا أفندي واللي النهاردة بفلوس بكرة يبقى ببلاش                         أصل خلاص كله مبقاش له قيمة اليومين دول

في التأني السلامة                                   وفي العجلة الندامة   ده المثل بيقول الصبر مفتاح الفرج          وربنا في قرآنه بيقول فصبرا جَمِيلٌ        

قل يا رحمن يا رحيم على اسلوب الناس.           بقى منحدر انحدر رهيب يا ساتر يا رب  هو جار إيه في الدنيا بس يا ناس                    خربت وجابت عاليها واطيها وﻻ إيه إيه الحكاية احكوا لنا يمكن نقدر نساعدكم      و ندلكم على آخر الحكاية ونطلع شطرين آخر الحكاية طلع إيه بقى يا حبايبي يا شطار     طلع إن الزمن بقى غير الزمن ربنا يستر بس برضه خليكم شطار وحافظوا علي أخلاقكم    من الضياع والفساد بتاع اليومين دول  

    لمة عائلة في رمضان على الحلوة ومرة متجمعين                  دي لقمة هنية تكفي مئة يا ناس ده رمضان شهر الخير والبركة والقرآن                     ده اللي في ليلة القدر ذكرها ربنا فى القرآن   إياك تنسى القرآن حتى لو على خطوط في الورق               علشان ممكن يشفع لك في يوم من الأيام

أيام زمان كان فيها شفقة  وحنان            ده أبو هريرة كان عنده قطة بيأكلها يشربها بقلب فى شفقة وحنان يا ناس قولوا لنا الله يخليكم هي الشفقة راحت فين      إلحق نفسك ودور عليها شوف هي راحت على فين      

قلبك شكله ولونه إيه                                                     أبيض وﻻ أسود وﻻ إيه ويا ترى مليان إيه حب وخير                                               وﻻ مليان كره وشر حب الخير للناس علشان ربنا يحبك                                       وما يجيش يوم وينفوروا منك

لو زعلان من حد                                           افتكر له الحاجات الكويسة    علشان ما تزعلش                                   علشان مفيش حاجة مستهلة الزعل   الدنيا كلها أيام معدودة                           مش مستهلة حتى الجري وراء الفلوس   أصل الفلوس ما بتعملش بنى آدمين             البنى آدمين هما اللي بيعملوا الفلوس   لكن مش مهم خلاص ما بقتش تفرق      في إيه يا جماعة مالكم عاملين أزمة ليه   ما هو خلاص الصح بقى غلط           والغلط بقى صح يا الله كله بيعدي              

الدنيا تلاهى آه والله معك حق                              لكن برضه اعمل بأصلك واسأل على الناس علشان الأصول والواجب بيقولوا كده                      وعلشان ربنا رزقك من حيث لا تحتسب ويكرمك أيوه صحيح الناس لازم تقدر ظروف بعض                لكن برضه ما تقطعش صلة الرحم مع الناس أصل صلة الرحم واجب لابد منه                       أصلها بتخلي باب الود مفتوح بينك وبين الناس ولو إنت قفلت باب صلة الرحم مع الناس              يبقى بالتالي باب الود بينك وبين الناس ماقفول  

الرومانسية هي إيه حزروا فزروا     هي رحلة عطاء سنين طويلة الناس كلها تتمنى     تعيشها بمعناها الحقيقي           اللي استخبا مننا وما نعرفش راح على فين   شكله بيلعب معنا استوغماية       حندور عليه في أى مكان استخبا وهنيجي     نكمل لكم باقي الحدوتة             خلصت على إيه خلينا نعرف الرومانسية والحب   استخبوا فين دول كانوا          موجودين بنا أيام الزمن الجميل زمن الجدود والجدات   بس يا خسارة دلوقتي مبقوش موجودين. بمعنى هم الحقيقي خلاص باي باي سنيور   حتى جدعنة وشهامة اﻷصدقاء مع بعض.   بطلت من زمان تضحك لما تلاقيها دلوقتي                

إياك تقطع حبل الود بينك وبين الناس                          علشان الود دليل على حب باقي سنين   وعلشان ربنا بيحب الناس اللي بتود بعض                      وبيغضب من الناس اللي بتنسى بعض   ود الناس بقلب صافي مش شايل من حد      هتلاقي على طول أبواب الخير اتفتحت وبتقول لك شبيك  لبيك                                             

إنسان تايه في الزحمة سرحان             سرحان  بيدور علي الاحترام والأدب بتاع زمان                                                                                بتاع الأجداد والناس العظام                     اللى لهم شنة ورنة وطالة بهية كانوا بيربوا بقلب حنين                            ولما إنسان يغلط يعاتبوا بهدوء ولما يلاقوا إنسان أتكسر بخاطره           على طول يروحوا جايبين له حاجة حلوة أصل الحاجة الحلوة بطيب الخاطر              وبترجع الإنسان طفل صغير زى زمان   وربنا هو ورسوله الكريم بيحب اللى يطيب خاطر الناس  واللى بيكسر بخاطر الناس بيغضب منه ربه  

    مفاجأة حلوة بينك وبين صديقك                          أصلكم كنتم على وعد انكم تتقابلوا في يوم   نفسك تجري عليه وتحضه حضن كبير  أوى             من كتر الشوق والحب اللي في قلبك لي   أصلكم واكلين مع بعض عيش وملح                      أصل في عشرة ما بينكم دائمة بقلها زمان  

  خلي محاسنك أكثر من مساوئك          علشان ربنا ينادي على جبريل ويقول له يا جبريل إني أحب عبدي فولان         فيخلي كل الناس تحب فوﻻن سبحان الله بس إنت اسعي واعمل اللي عليك     وسيب الباقي على ربنا وهو مش هيضيعك  

مهما يحصل بينك وبين الناس                خلي عطائك ما لوش حدود أصل العطاء فضل ونعمة من عند الله  خلي بالك منها أوعي تضيعها من أيديك أوعي في يوم عطائك للناس يقل           حتى لو الناس عطائها قل لك    

  دنيا ملهاش أي قيمة خالص           عاملة زى الفلوس ملهاش قيمة وبرضه الناس زى مجانين.        بيجروا وراء الفلوس بهوس مش طبيعي ما بيحرموش وما بيتعظوش أبدا      الفلوس عملت لهم إيه في دماغهم بس خلت دماغهم في الضياع خالص         مبقوش يفكروا غير في الفلوس وبس متى الناس تتعظ وتفوق بقى من النوم اللي هي فيه.  وتعرف إنه ما دائم إﻻ وجه الله  

الحمد لله ربنا فرجها من عنده                          أصل هو مفرج الكروب على الناس ادعى له أنت بس وقل يا رب                         أنا محتاج الحاجة الفوﻻنية دي ضروري وهو على طول هيجبها لك                                      على طبق من ذهب علشان تبقى فرحا بس استنى ﻻزم تسعى لها في اﻷول               بكل جد واجتهاد علشان ربنا يجبها لك  

       اللي بيعيش علشان الفلوس                  بيبقى فى الآخر منحوس ومضحوك عليه الفلوس في الآخر رايحة رايحة                       واﻵخرة جاية جاية ﻻ مفر بتحاول تهرب من إيه بس يا بني آدم     وربك الكريم قالها خلاص بصريح العبارة لكل أجل كتاب    

كلمة بابا مش مجرد كلمة اتكونت من حرفين      وﻻ هي شخط ونطر على طول الخط   هي كانت الكلمة صاحبة المبادئ أيام زمان       زمن اﻷجداد والمبادئ العظيمة اللي راحت   ومعدتش رجعة تاني خلاص                   للي كان فيها اﻷب بيعمل علشان خاطر أوﻻده    وكان اﻷب دائما بيعمل الصح                علشان يكون دائما قدوة حسنة ﻷوﻻده لما يكبروا   يعنى علشان يعلم أوﻻده الصلاة          فكان بيعمل إيه يا أوﻻد بيصلى قدامهم علشان يتعلموا   يتعلموا إيه يا أوﻻد يتعلموا مبادئ دينهم  اللي هي إيه يا أوﻻد هي أ ب صلاة علشان ربنا ميزعلش   وعلشان ربنا قال على الصلاة إن هي عماد الدين  وخذوا بالكم كمان يا أوﻻد إن هي أول حاجة هنتحاسب عليها       

  بص على ملامحك  لو لقيتها اتغيرت.             يبقى أكيد اﻷيام هي كمان اتغيرت والحب اللي كان موجود بنا زمان.                دلوقتى ما لوش وجود بنا يا ناس دنيا غير الدنيا يا ناس تعالوا خذونا.              ورجعونا للصح من تاني اعملوا معروف  قبل ما نقع في الغلط ربنا يخليكم.      وتجي الطوبة في المعطوبة وما احناش حاسين دور على مﻻمحك هتلاقيها متبعترة هنا وﻻ هنا. ولو حصل وما لقيتهاش يبقى ربنا يعوض عليك  

    يعنى إيه السواقة في زمن ده                يعنى يجي واحد يروح كسر على واحد تاني واللى يغيظك إن مفيش حتى كلمة أنا أسف     ﻻ يروح سيبك ومشي وﻻ له أي دعوة إيه رأيك في واحد داخل عكس اﻻتجاه       ولما تجي تقول له كده غلط حضرتك يطنش ﻻ وخذ بقى عندك شتائم للركب ما هي      الناس ما باقش عندها ذوق خالص والله العظيم اﻷحلاق بقت منحطة على اﻵخر اليومين دول  ما يعرفوش حتى كف اﻷذى عن الطريق يعنى إيه    

لو مش قادر تعذر الناس               ما علينا يا سيدى بلاش منه ده  تعالى لما نجيب لك حاجة تانية                 الحنان ها يا سيدى يعجبك ده وﻻ نشوف لك حاجة تانية يمكن تعجبك     إيه رأيك في العطف حلو مش كده تعالوا بقى بينا يا أوﻻد نفهمه براحة كده    واحدة واحدة زى البيبي لما يخطي العتبة  العطف يعنى إيه يا أوﻻد          يعنى يا أوﻻد لما تلاقوا بيبى صغنون زعل تروحوا وتدوا بمبوني يا أوﻻد         وتسأله مالك زعل ليه يا عسول ده إنت جميل هو ده مفهوم العطف يا أوﻻد            فهمتوا وﻻ نعيد من أول وجديد قولوا ومتخافوش

اعمل بهلوان لو تقدر                             يمكن البهلوان ده يقدر يسعد الناس يوم أصل السعادة ما تتقدرش بثمن                     أصلها بتبقى لحظة ما تساويش كنوز الدنيا كلها بس في اﻵخر هتبقى رسم على وشوش الناس   ابتسامة جميلة ويا بخت اللي يقدر يسعد إنسان مكسور هنية له يا عم زمانه مزقطط دلوقتى           وزمان ربنا مجهز له صندوق فيه شيء وشويات

الحب مش مجرد كلمة عابرة بتتقال    الحب لهفة وشوق لي لي إنت بتحبه حّبوآ على قد ما تقدروا في الدنيا دي     محدش وأخذ منها حاجة غير الحب لوجه الله تعالى والعشم في ناس قلبها أبيض   من كتر بياضه بيقولوا خلاص سماحة وعف الله عن ما سلف أو صافية يا لبن   حليب يا قشطة ها تشترى وﻻ يفتح الله مين يقدر يسامح بالشكل ده ويحط يده    في يد صاحبه ويقولوا فى صوت واحد هنفضل مخلصين  لآخر العمر مع بعض  علشان نفوز يوم القيامة والرحمن يقول لنا  مبروك عليكم الظل تحت العرش جلا في علا       يوم ﻻ ظل إﻻ ظله ما هو أصله رحيم       

الواحد يا أوﻻد لما بيبقى مع أصحابه.                 بيبقى عامل زى الطفل الصغير البريء   اللي شبطان فى لعبة ومش عايز يسبها أبدا         خاف لتضيع وما يعرفش يشتري وحدة تانية   أصلها بتبقى هدية غالية اوى مش بالثمن           ﻻ أبدا والله بقيمتها فى الحياة يا جماعة   أصلهأ يتخلي الحياة طعمها لذيذ اوى يا جماعة    أصل لها طعم من ذكريات البراءة والطفولة  

I am Noray Allam and this is my blog , I will write here my personal reflections , feelings, observations... etc etc